Şaredarê Esenyurtî Ahmet Ozer rayberîya DEM Partî ya qezaya Esenyurtî zîyaret kerd. Ahmet Ozerî vat, “Veradayîşê şaredar û girewteyanê sîyasî do bawerî bido şarî.”
Şaredarê Esenyurtî Ahmet Ozer ke herinda ey de qeyûm ame tayînkerdene û ame girewtene, 11ê teşrîna peyêne de ame tehlîyekerdene. Ozerî Serekê CHP’yî yê Esenyurtî û heyetêkê reyde Rayberîya Partîya Têduştî û Demokrasîyî ya Şaran (DEM Partî) a Esenyurtî zîyaret kerd. Ozer û heyeto ke ey reyde bi, hetê Hemserekê Esenyurtî yê DEM Partî Cesîm Çîçek û rayberîya qeza ra ame pêşwazîkerdene.
Ozerî dîyar kerd ke ganî polîkayê qeyûmî bêrê vindertene û dîyar kerd ke ganî şaredarê ke herinda înan de qeyûm ameyo tayînkerdene, agêrê karê xo ser û vat: “Ganî Hemşaredarê Mardînî Ahmet Turk agêro karê xo ser û Hemşaredarê Amedî yo verên Dr. Selçuk Mizrakli, Hemşaredarê Wanî yo verên Bekîr Kaya û Şaredarê Stenbolî Ekrem Îmamoglu bilez azad bibê. Tehlîyeya şaredar û girewteyanê sîyasî do bawerîya şar a bi prosesî xurt bikero.”
Hemserekê Esenyurtî yê DEM Partî Cesîm Çîçekî dîyar kerd ke zîyaretê Ozer û heyetî manadar o û dîyar kerd ke ê do piştgirîye bidomnê.
