TJA’yî eşkerayîya derheqê Dîlan Karaman de vat, “Ma do bi qerardarî hemverê pêro tehdîdanê cuya cinîyan ser o têkoşînê xo bidomnê. Ma do heta peynî prosesî taqîb bikerê.”
Eşkerayîya Têgêrayîşê Cinîyanê Azad (TJA) wina ya: “Embaza ma Dîlan 11ê teşrîna peyêne de beşê ewnîyayîşê awarte de semedê cuya xo têkoşîn kerd. Sey Têgêrayîşê Cinîyanê Azad, ma roja yewine ra her hetê rewşa aye bi baldarî taqîb kerd. Senî ke dewamî întîxar, mergê nişka ra û mergê şikî yê cinîyan taqîb kerd, ma do tu wext nêverdê ke mergo şikin yê embaza ma Dîlan ewro tarî de bimano. Ma şîdetê sîstematîk û bêcezayî qebûl nêkenê. Ma do bi qerardarî têkoşînê xo hemverê pêro tehdîdanê cuya cinîyan ser o bidomnê. Ma do nê prosesî heta peynî taqîb bikerê. Sey TJA, ma do keda erjaye ya Dîlan, hewesê aye yê semedê azadîye gandar verdê.”
