Hûmara kesanê ke şewatê Hong Kongî de cuya xo vîndî kerd, bîye 128. Cigêrayîşê nêzdîyê 200 kesan dewam keno.
Hukmatê Hong Kongî roja îne eşkera kerd ke hûmara merdeyanê şewatê awanîyan resayo 128 û aqubetê nêzdîyê 200 kesan zî dîyar nîyo.
Roja çarşema ke vîyarte herêma Tai Po ya Hong Kongî ya Çîn de wargehêkê mendişê de ke 8 awanîyan ra yeno pê, şewat vejîyabi. Verfekê hukmatî da zanayene ke ekîbê xelesnayîşî 76 kesê birîndarî derman kerdê. Verfekî dîyar kerd ke polîsan 3 kesî gumanbarî zî destbend kerdê.
Rayedaran dîyar kerd ke zafêrê 900 kesî ameyê veten û zafêrê hezar û 200 endamê ekîbê îtfaîyayî beşdarê hewnakerdişê şewatî bîyê. Sewbîna ame vatene ke riyê germîya vêş û dumanî ra, xoresnayîşê qatan zehmet o.
Ame dîyarkerdene ke cigêrayîşê hedîse dewam keno.
