Konferanso de ke do Prosesê Aştî û Komelê Demokratîk ê Rayberê Şarê Kurdî Abdullah Ocalanî, tecrubeyanê dinya reyde do bêro munaqeşekerdene, DEM Partîyî Îlham Ehmed beşdar biba.
Partîya Têduştî û Demokrasî ya Şaran (DEM Partî) do 6 û 7ê kanûne de Stenbol de “Konferansê Mîyanneteweyî yê Aştî Û Komelê Demokratîkî” organîze bikera. Konferansî de vengdayîşê Aştî û Komelê Demokratîk o ke Rayberê Şarê Kurdî Abdullah Ocalanî 27ê sibate de kerdbi, tecrubeyanê dinya reyde do bêro munaqeşekerdene. Baskî ra heta Afrîkaya Başûr, rêxistina Îrlandayî Sînn Feîn ra heta Îngîlîstan, Kazakîstan û Belçîka ra xeylê kesî do beşdarê konferansî bibê.
Îlham Ehmed do beşdar biba
DEM Partî roja yewine ya konferansî ke do Salona Konferansî ya Cem Karaca de bêro kerdene, Hemsereka Dayîreyê Têkîlîyanê Teberî ya Rayberîya Xosere ya Vakûr û Rojhelatê Sûrîye Îlham Ehmed do akerdişî konferansî de bi rayîrê telekonferansî qisey bikera.
Di kesî bînî do beşdar bibê
Seba qiseykerdişî di kesî bînî zî ameyê dîyarkerdene. Sereka verê ya Rayberîya Herêmî ya Kurdîstanî, Temsîlkara Serekê Pêroyî yê PDK’yî Mesud Barzanî û Endama Polîtburoyî ya PDK’yî Amîna Zikrî û Endama Meclîsê Şarî ya Kazakîstanî Parlamentera kurd Narîn Nadîrova do qisey bikerê.
