Çarçewaya xebatanê Komîsyonê Meclîsî de do partîyî raporanê xo yê derheqê çareserîya meseleyê kurdî de pêşkêşê Serekîya Meclîsî bikerê. Yeno zanayene ke DEM Partî mîyanê roje de raporê xo teslîm bikera.
Xebatê komîsyonê ke çarçewaya Prosesê Aştî û Komelê Demokratîkî de meclîs de ame awankerdene, ver bi qedîyayîşî şonê. Komîsyon tewr peyên 4ê kanûne de kom bi û detayê pêvînayîşê Rayberê Şarê Kurdî Abdullah Ocalanî reyde sey kilmvateyî endaman reyde pare kerdê. Bi nê hewayî asta goşdarîkerdişî yê komîsyonî temam bîye. Partîyê sîyasî zî hîrê raporê xo yê yê derheqê çareserîya meseleyê kurdî de teslîmê Sekreterîya Pêroyî ya Meclîsî bikerê. Goreyê agahîyan Partîya Têduştî û Demokrasî ya Şaran (DEM Partî) raporê xo temam kerdo û do ewro teslîmê Serekîya Meclîsî bikera.
Yeno zanayene ke rapor hetê Koordînatora Komîsyonî ya DEM Partî Gulistan Kiliç Koçyîgît ra bêro teslîmkerdene.
Yeno dîyarkerdene ke partîyê bînî zî ewro do raporanê xo teslîmê Sekreterîya Pêroyî ya Meclîsî bikerê.
