Komîsyonê Huqûq û Heqanê Merdiman ê DEM Partî, eşkerayîya xo ya 10ê Kanûne Roja Heqanê Merdiman de, vengdayîşê pawitişê heqanê însanan û piştîdayîşê prosesî kerd.
Dem Partî eşkerayîya xo ya serra qebulkerdişê Beyannameyê Heqanê Însanan ê Unîversal a 77. de, bi taybetî bale ante rejîmanê otorîter ser o ke zêde benê.
Dem Partî vat ke Roja Heqanê Însanan emser Tirkîya de manayêka cîyaye est a: “Cografyaya ma de na mîyanê nedîyarî û bêbawerî de bi Vengdayîşê Aştî û Komelê Demokratîkî ke seba çareserîya aştîyane ya meseleya kurdî dest pêkerd; welatê ma û cografyaya ma de hêvîyêka aştî ya muhîme peyda bîye. Vengdayîşê 27ê sibate yê Birêz Ocalanî bi çareserîya newe ke pêşkêş kerde, xelisnayoxê krîzê mîyanneteweyî yo ke Rojhelatê Mîyanênî de xorînêr beno û rayîrêko newe akerd; hêvîyêka aştî û demokrasî ya qîmetine awan keno.”
Dem Partî vat ke sey Komîsyonê Huqûq û Heqanê Însanan, heta ke Hewteyê Heqanê Însanan nêqedîyo, raporêko bidetay ê derheqê binpaykerdişê heqanê vera partîya ma de do raya pêroyî reyde pare bikerê.
