Heyetê Îmraliyî yê DEM Partî çarçewaya prosesê “Aştî û Komelê Demokratîkî” de Serekê Pêroyî yê DEVA Partî Alî Babacanî zîyaret kerd.
Heyetê Îmraliyî yê Partîya Têduştî û Demokrasî ya Şaran (DEM Partî) ke parlamentera Wanî Pervîn Buldan, parlamenterê Rihayî Mîthat Sancar û endamê Buroyê Huqûqî yê Seserrî Faîk Ozgur Erolî ra yeno pê, Merkezê Pêroyî yê DEVA Partî zîyaret kerd û Serekê Pêroyî yê DEVA Partî Alî Babacanî reyde ame têhet.
Heyetê Îmraliyî awanîya Merkezê Pêroyî yê DEVA Partî de hetê parlameneter Mehmet Emîn Ekmen û endamanê partî ra ameyê pêşwazîkerdene. Heyet vîyart zere û Alî Babacanî reyde ame têhet. Ame zanayene ke kombîyayîşî de detayanê prosesî “Aştî û Komelê Demokratîkî” ser o erjnayîşî ameyê kerdene.
Heyet zîyaretê DEVA Partî ra pey do Meclîs de saete 14:00î de Serekê Pêroyî yê MHP’yî Devlet Bahçelî reyde kom bibo.
