Hêrişê Sûrîye ra pey ke bi sebebê mergê di leşkeranê Amerîkajij, çapemenîya Amerîkayî bale ant hemkarîya hukmatê demkî yê Şamî ser o û dîyar kerd ke HSD hêzo tewr muhîm ê Sûrîye yo û ganî entegrasyonê nê hêzan de ecele nêro kerdene.
13ê kanûne de şaristanê Palmîrayî ke keweno zerey3e çolanê Sûrîye demê dewrîyeya hempar a Hêzanê Dewletanê Yewbîyaye yê Amerîkayî (DYA) û hukmatê demkî yê Şamî de hêrişêk ame kerdene. Encamê hêrişê hemverê hêzanê leşkerî yê Amerîka de di leşker û sîvîlêk ke seba açarnayîşî hetê înan de bi, cuya xo vîndî kerde û 5 leşkerî zî birîndar bîyê. Hemkarîya Amerîka û hukmatê Colanî bi sebebê rexneyan.
Encamê cigêrayîşî de vejîya orte ke keso ke hêriş kerdo endamê rêxistina HTŞ û wezîfedarêkê leşkerî yê hukmatê demkî yê Şamî yo. Na rewşe ser o rexneyê vera hemkarîya Amerîka ya hêzanê zilmkar reyde, vêşî bîyê. Çapemenîya Amerîkayî zî bale ant hemkarîya hêzanê zilmkar reyde ser o û polîtîkayê rayberîya Trumpî rexne kerdê.
Forbes: Hêrişî tehlukeya entegrasyonêkê bi lez vet orte
Derheqê hêriş o de ke ameyo kerdene û encamê ey ke do ameyoxî de vejîyê orte, Kovara Forbesî xeberêk pare kerde. Xebere de ame dîyarkerdene ke DYA’yî newe dest bi dewrîyeyanê hempar kerdo û demêko kşlm de hêrişêko winasîn ameyo kerdene. Xebere de hemkarîya DYA’yî ya HSD’yî reyde ameye vîrardene û nê çîyî ameyê vatene: “Demêko derg o ke kurdî vera DAÎŞ’î mutefîkîya DYA’yî kenê û heta nika hêrişêko winasîn nêame kerdene. Nê hêrişî mojna ke ganî seba entegrekerdişê HSD’yî yê artêşêkê newe reyde ecele nêro kerdene.”
NYT: Hewcedarîya DYA’yî bi HSD’yî est a
Rojnameye NewYork Tîmesî zî xeberêka hîra derheqê hedîse de weşanaye. Xebere de ame dîyarkerdene ke Şara cehd keno ke yewîya Sûrîye awan bikero û xeylê zehmetîya reyde rî bi rî yo. Xebere de rewşa hêzanê kurdî zî ameye vîrardene û wina ame vatene: “Na mesela karê Şarayî zehmet kerd. Hewcedarîya Amerîkayî bi çinkerdişê DAÎŞ’î est o. No yeno a mana ke ganî HSD reyde hemkarî de biba.” Xebere de ame dîyarkerdene ke bi munasebetê entegrasyonî mabênê HSD û hukmatê demkî yê Şamî de tengijîyayîş est o û na rewşe prosesê entegrasyonî ard rewşêka hîna têmîyankewta.”
