Şaredarîya Peyasî seba ke bieşkîya xebatanê cinîyan bi hewayêko rêxistinkerde bikera, Meclîsê Cinîyan a Şaredarîya Peyasî awan kerd. Hemşaredar Bêrîvan Gulşen Sîncar awankerdişê meclîsî eşkera kerd.
Şaredarîya Peyasê seba cinîyî ke beşanê cayinan yê şaredarîye de xebitîyenê biyara têhet, Meclîsê Cinîyan a Şaredarîye awan kerd. Şaredarîya Peyasî seba tewrbîyayîşê rayberîyanê herêmîyan bizêdîyê û bieşkê seba caardişê têdûştîya zayendî ya komelî bixebitê, awankerdişê meclîsî eşkera kerd. Seba eşkerakerdişê awankerdişê meclîsî Hemşaredara Peyasî Bêrîvan Gulşen Sîncar, hetkarê hemşaredaran, xebatkarê Mudirîya Cinîyan, Endamê Meclîsî û xebatkarê cinî yê şaredarîyê tewrê kombîyayîşî bîyê. Hemşaredar Bêrîvan Gulşen Sîncar îzahatê eşkerakerdişî de qisey kerd û wina vat: “Meclisê cinîyan xebatanê xo do seba ke cinî bieşkê cuya komelî, aborî, kulturî û sîyasî de tesîrdar biba, bikera. Seba ke xizmetê şaredarîye goreyê lazimtîyanê cinîyan bêrê rêxistinkerdene hirê peşnîyazan pêşkeş bike. Seba cinîyan amanc keno ke projeyanê komelî û polîtakaynê hemverê zilmo cinîyan ser o aver bero û do butçeya şaredarîye têdûştîyan zayendî de bierjno.”
