QSD’yî da zanayene ke Peymana 1ê Nîsane est a la reyna zî grûbê cîyayî yê girêdayeyê Şamî çar aşmî yo taxanê Şêxmeqsûd û Eşrefîyeyî hedef gênê û ganê sîvîlan dekenê talûke û vat ke nê hêzî cehd kenê ke bêhuzurî û fitne virazê.
Merkezê Îrtîbatî û Çapemenîye yê Hêzanê Sûrîyeya Demokratîke (QSD) derheqê hêrîşanê yewînanê emnîyet û leşkerî yê girêdayeyê Hukmatê Demkî de ke taxanê hedef gênê, eşkerayîya nuştekîye pare kerde.
Eşkerayîye wina ya:
“Cipersayîşo raşt û berpirsîyarîya grûbanê cîyayan ê girêdayeyê Şamî ya ke çar aşmî yo benê sebebê krîzî. Nê grûbî Peymana 1ê Nîsane zî peygoş kenê û taxanê Şêxmeqsûd û Eşrefîyeyî dorpêç kenê, bi topanê adirî hedef gênê, talûke û hêrîşê ke sîvîlan hedef gênê, tekrarî kenê û benê sebebê krîz.
Ewro hêrîşê vera waranê ciwîyayîşî, bi taybetî serebûdê ke rojawan û vakurê Helebî de ciwîyenê, netîceya çalakîyanê nê grûban ê. Roket û topî noqteyanê nê grûban ra taxanê Helebî hedef gênê û cehd kenê ke talûkeyê emnîyetî û fitne bivirazîyo.
Hêrîşê nê grûban resayo sewîyeya ke bi tank û topan ke taxanê Şêxmeqsûd û Eşrefîyeyî hedef gênê. No, rewşêka bitalûke virazo û ganê sîvîlanê herême, aramîya herême dekeno talûke.”
Netîceya hêrîşanê grûbanê çekdaran ê girêdayeyê Hukmatê Demkî yê Sûrîye yê ke taxê Şêxmeqsûd û Eşrefîye yê Helebî hedef girewtî, cinîyêka erebe bi nameyê Fedwa Mihemed El Kurdî (57) ameye kiştene û 15 sîvîlî birîndar bîyî.
