Koordînasyonê KJK’yî eşkerayîye de ke serrgêrra Qirkerdişê 23ê Kanûne de pare kerde, vat ke îfadeyo tewr manayin ê girêdayîşê şehîdan, pawitiş û qewetkerdişê şorîşê azadîye û şorîşê cinîyan o û vengdayîşê beşdarîya çalakîyan kerd.
KJK’yî Evîne Goyî, Mîr Perwer û Abdurrehman Kizil ke 23ê kanûne de Parîs de netîceya hêrîşê çekdarî de şehîd bîyî, yad kerdî û vat: “Ma bi wesîleyê serra hîreyine ya qirkerdişê Parîsî yê dîyinî de sere de cinî û ciwanan heme şarê xo rê vengadayîşê têkoşînî kenê ke heta ke qatîlê raştî bêrê muhakemakerdene, bêro dayene. ” KJK’yî venga beşdarîya heme çalakîyan da ke 23ê kanûne ra heta 9ê çeleyî yenê kerdene.
Eşkerayîya KJK’yî de nê îfadeyî ameyî vatene:
“23ê Kanûne 2022î de paytextê Fransa Parîs de hêrîşî de ke hetê qatîlî bi nameyê Wîllîamî yê tetîkçîyê dewleta tirke ya faşîste ra Merkezê Kulturî yê Kurdan û cayê karê kurdan hedef girewt, Evîne Goyî (Emîne Kara) ke heme cuya xo komelê azad û demokratîkî rê feda kerd û nê rayîrî de 34 serrî her cayê Kurdîstanî de têkoşîn kerd, hunermendo kurd Mîr Perwer (M. Şîrîn Aydin) û welatperwero kurd û erjîyaye Abdurrehman Kizil şehîd bîyî.”
Eşkerayîye de ame vatene ke embaze Evîne tradîsyona xoverdayîşê Botanî mîyan de girs bîya û welatperwerîye zerrî ra ciwîyaya. Aye 34 serrî her cayê ke hewce bî têkoşîn kerd. Bi xebatanê xo yê têkoşîn û xoverdayîşî bîye hemrayanê erjîyayan ra yew ke xo tarîxê cinîya kurde ya azade nuşt.
Eşkerayîye de ame vatene: “Bêvengmendişê winayênî ke awankerdişê çeteyan rê qewet dano, rayîrê nê çîyan akenê ke nê çeteyî bibê belayê sereyê heme însanîye. Delîlê zafî est ê ke tede îtîrafê ajananê MÎT’î zî est ê ke no qirkerdiş bi destê dewleta tirke bîyo, muhakemakerdişê dewleta tirke bi hesabnêpersayîşê sîstemê huqûq û adaletê xo, awankerdişanê çeteyan rê hêz dano.”
KJK’yî vat: “Ganî heme ciwanî û cinî bizanê ke îfadeyo tewr manayin ê girêdayîşê şehîdan, pawitiş û qewetkerdişê şorîşê azadîye û şorîşê cinîyan o.”
