Heyetê Rayberdişê Merkezî yê DEM Partî derheqê zîyaretanê peyên ê Heyetê Îmralîyî yê DEM Partî, raporanê partîyanê sîyasî ke pêşkêşê Komîsyonî kerdê û programê aşma çeleyî kom bi.
Heyetê Rayberdişê Merkezî (MYK) yê Partîya Têduştî û Demokrasî ya Şaran (DEM Partî) bi serekîya Hemserekanê Pêroyî Tulay Hatîmogullari û Tuncer Bakirhanî merkezê pêroyî yê partî de ame têhet.
Ame zanayene ke kombîyayîşî de babetê sey; zîyaretê peyên ê Heyetê DEM Partî yê Îmralîyî, raporê partîyanê sîyasî ke pêşkêşê Komîsyonî kerdê, hedîseyê peyên ê prosesê Aştî û Komelê Demokratîkî, erjnayîşê pêroyî yê serra 2025î, sere de Sûrîye û hedîseyê Rojhelatê Mîyanênî, ucreto tewr tay û kampanyaya “Seba Nan û Aştî Butçeya DEM Partî” û plansazîya aşma çeleyî bêra erjnayene û munaqeşeyî bêrê kerdene.
