Silêmanî de nê 4 rojê festîvalêk bi beşdarîya zafêr cinîyan ke karê xo yê destî têde nîşan danê, verdewam kena. Festîval de karê destî yê cinîyan û werdê Kurdewarî yenê nîşandayiş. Şar eleqeyêk zêde nîşanê festîvalî dano
Bi beşdarîya rêjeyêka verbiçiman a cinîyan Baxê Pêroyî yê Silêmanî de çar rojê bî festîvalêk ya karê xo yê destî cinîyan ame mojnayiş. Festîval de 25 cinî bi nîşandayişê karê xo yê destî yê cîya beşdarî festîvalî bîyê. Derheqê festîvalî de cinîyê beşdarî festîvalî bîyê ercnayişê xo ardî ziwan.
Sirwe Mihemed da zanayiş ke cinîyê beşdarê festîvalî bîyê zafêr dormeya zanîngeh û akademîye yê, wina vat: “Ê cinîyê dormeya zanîngeh û akademîyan, nêameyê tayînkerdiş û wazenê karê xo yê destî festîvalî de nîşan bidê la çi heyf hukmat hembarîyêk bi nê cinîyan ra nêkeno.”
Çiya Yasîn zî ke bi karê xo yê destî beşdarê festîvalî bîya û wina vat: “Ez zêdeya hewt serra no nî karî kena û bawerîya bi karê xo yê destî anena. Ez beşdarî zafê festîvalan bîya û no festîval de zî mi bi çend tewirêk werdî beşdar bîya.”
Zaf festîval beşdar bîya
Merwa Nurî zî beşdarê festîvalî bîya û wîna qedîna: “Mi sey cinî waşt bi ganîkerdişê kulturî yê Kurdî, beşdarê festîvalî biba. Hetanî nika zî beşdarê çend festîvalan bîya. Festîvalê bi nê rengî seba cinîyê nêameyê tayînkerdiş îmkanê kifş bikê û ser înan bixebitê.”
