Rojnameger Oznur Deger hetê Ozcan Pulatî ra ameybî tehdîtkerdiş. Derheqê Ozcan Pulatî de dewa ameye akerdiş û kerdoxî ameyê cezakerdiş.
Rojnameger Oznur Deger 29ê teşrîna verêne ya 2024î de xeberêka bi sernameyê “Çeteyê şantajî yê Wanî: Ozcan Pulat kam o?” viraşte. Xebere de ame dîyarkerdiş ke Ozcan Pulat, bi tiryakî cinîyan xapênayo. Cinîyê ke şîdet û tehtîtan reyde rî bi rî mendê mecbûrê vatişê Ozcan Pulatî qebûl kerdê. Xebere de ame vatiş ke ewilî nê cinî bi sozê karî yenê xapênayîş, tîryak û alkol danê cinîyan. Dima ra fotografanê înan ancenê û înan tehdît kenê.
Dimayê xebere, rojnameger Oznur Deger hetê Ozcan Pulatî ra ameye tehdîtkerdiş. Oznur Deger hemverê tehtîdan Serdozgerîya Komare ya Wanî de gerre kerd. Dima ra derheqê Ozcan Pulatî de dewa ameye akerdiş. Îdîanameyo ke hetê Serdozgerîya Komare ya Wanî ra 12ê êlule de ame amadekerdiş, Mehkemaya Cezayan a Eslî ya 9. rê ame erşawitiş. Dadgerî ceza daye Ozcan Pulatî.
