Mudirîyetê Meteorolojîyê peroyî yê Dîyarbekirî eşkera kerd, peynî hewteyî de îhtîmal est o ke germinî 20 derece bikewo binê sifirî. Amed de mîyanê di rojan de bêmabên varayîşê vewre ra dima germinîya hewayî heta 9 dereceyî kewte binê sifirî.
Semedê cemedî û qeşayî peroyê şaristanî de astengîyê resî ciwîya. Meydanê teyaranê Amedî de heme firayîşê teyaran ewro ameyê betalkerdene.
Varayîşê vewre ra dima şaristanê Amedî de zaf cayan de cemed û qeşa virazîya, tesîrêko negatîf cuye ser o kerd.
Erebeyî cehde û kuçeyan de binê vewre de mendîbi rayîrî zi agêrayê pîstê cemedî û şoferan averşîyayîş de zehmetî ante. Tayê erebeyî rayîr de mendî, resî mîyanê şaristanî de astengî virazîya.
Meteorolojî ra îqazê -20 dereceyî
Germîya hewayî ke 9 dereceyî kewtbî binê sifirî Dîyarbekir de Mudirîyetê Meteorolojî peynî hewteyî germîya hewayî îhtîmal est o ke heta 20 dereceyî zî biko binê sifirî. Meteorolojî îqaz kerd û vat:
“Pêroyî heremî de rewşa hewayî zaf hewrin û bi mabên vewre vareyena, ca ca varanin û vewre têmîyan de yeno texmin kerdene ke bivaro. Naye ra teber pêroyê hereme de yeno tahmînkerdene ke cemidîyayîş û qeşa virazîyo. Germa hewayî bine adetî mewsîmî ra domneno. Va hetê vakûr û rojawanî ro şenik û orte qewetin, rey rey zî zaf qewtin va do bêro, yeno texmîn kerdene.
