Serekê YNK’yî Bafil Talabanî derheqê hêrişanê vera taxanê Şêxmeqsûd û Eşrefîye hesabê xo yê X’î ser o parekerdişêk kerd û vat: “Ez hêvî kena ke heme hetî xo aram bitepişê û zîrekane hemverê hedîseyan têbîgêrê û bi rayîrê dîyalog û berpirsîyarî problemanê xo çareser bikerê.”
Serekê Yewîya Niştîmanî ya Kurdîstanî (YNK) Bafil Talabanî hesabê xo yê X’î ser o derheqê hêrişanê hukmatê demkî yê şamî vera taxanê Şêxmeqsûd û Eşrefîye yê Helebî parekerdişêk kerd. Parekerdişê Bafil Talabanî wina yo: “Ma bi xemgînî hedîseyanê Şêxmeqsûd û Eşrefîye taqîb kenê. No demo giran û zehmet de zerrîya mi şarê ma Rojavayî Kurdîstanî het de ya.
Ez hêvî kena ke heme hetî xo aram bitepişê û zîrekane hemverê hedîseyan têbîgêrê û bi rayîrê dîyalog û berpirsîyarî problemanê xo çareser bikerê. Ez piştgirîya her tewir cehdêkê seba asayîkerdişê rewşe û çareserîya aştîyane ya probleman kena.”
