Temsîlkara Taybet a Sûrîye ya Îngîlîstanî Ann Snow dîyar kerd ke adirbestê demkî yê Helebî pozîtîf vînenê û sey Îngilîstan vengdayîşê dergekerdişê adirbestî kenê.
Hêrişê çeteyanê hukmatê demkî yê Sûrîye yê vera taxanê Şêxmeqsûd û Eşrefîye yê Helebî wext bi wext dewam kenê. Dimayê vengdayîşê domdarkerdişê adirbestî yê DYA’yî, Kanada, Fransa, Îngîlîstanî zî vengdayîşê xo de dergkerdişê adirbestî kerd. Temsîlkara Taybet a Sûrîye ya Îngîlîstanî Ann Snow serê hesabê xo yê resmî yê Xî parekerdişêk derheqê babete de kerd. Snow dîyar kerd adirbesto demkî ke Heleb de virazîya zaf pozîtîf vînenê û vat: “Seba dejê sivîlanê ke cuya xo vîndî kerda, kemî bibo, ma dergkerdişê adirbestî wazenê. Îngîlîstan seba pawitişê sivîlan û bicaardişê Peymana 10ê adare û domnayîşê diyalogî zaf muhîm vînena.”
