Hûmara 1. ya Rojnameyê Azadîya Welatî bi manşetê “Berê me li Rojê, ji bo siberojê; Dîsa azadiya welat” resa destê wendoxanê xo û dimayê 10 serran reyna dest bi weşanî kerd.
Rojnameyê Azadîya Welat ke 29ê teşrîna verêne ya 20163i de bi Qerarnameyê Hukmê Qanûnî (KHK) amebi girewtene, demêko derg reyna nameyê xo apey girewt û newera dest bi weşanî kerd. Rojnameyê Azadîya Welat cayo ke Rojnameyê Xwebûnî verda, uca ra dewam keno. Rojname hûmara xo ya yewine de bi manşetê “Berê me li Rojê, ji bo siberojê; Dîsa azadiya welat” resa destê wendoxanê xo.
Rojname nuşteyê edîtorî de vano: “…Ma sey Azadîya Welat verê xo danê Roje û seba ameyoxî 10 serrî ra pey reyna agêrenê mîyanê cuya xo. Ma a bawerî de yê ke piştgirî û wayîrvejîyayîşê wendox û şarê ma do her wextî ra hêzdarêr û geştir bibo.”
Rojnameyê Azadîya Welatî hûmara yewine de ca da roportajê bi Hemserekê MAF-DAD’î Mahmût Şakarî ke şert û mercanê Rayberê Şarê Kurdî Abdullah Ocalanî ser o qisey kerdo. Sewbîna ca da meqale û cigêrayîşanê nuştox Mulkîye Bîrtane, Medenî Ferho, Felemez Ûlûg, Hesen Huseyîn Denîz, Adar Gulan, Adar Jîyan, Kurdîstan Lezgîyeva, Tayîp Temel, Salîha Ayata, War Botan, Siyabend Aslan, Lîzşêr Amed, Nesrîn Adar, Zaza Cebelî, Fatma Taşli Tunç, Xelîl Xemgîn, Alî Guler û Serdar Altanî.
