Bi pêşengîya Meclîsê Ciwanan ê DEM Partî û DBP’î yê Êlihe vera hêrişanê serê taxanê Şêxmeqsûd, Eşrefiyê û Benî Zêd ê Helebî rayîrşîyayîş û çalakîyî kerdî.
Bi pêşengîya Meclîsê Ciwanan ê DEM Partî û DBP’î vera hêrişanê çeteyanê hukmatê demkî yê Şamî yo ke Tirkîya Şêxmeqsûd, Eşrefîyê û Benî Zêd ê Helebî de paştî dana ci çalekî viraştî. Ciwanan seba ke Êlihijî taxanê Şêxmeqsûd, Eşrefîyê û Benî Zêdî ra wayîr vejîyê taxa Îpragazî ya Êlihî de rayîrşîyayîş û çalakî kerdî.
Ciwananê çalakwanan hetê ra zî fîşekê hewayî teqnayî û dirûşmeyê “Bijî Serok Apo”, “Bijî berxwedana Rojava”, “Bijî berxwedana QSD” û “Bê Serok jiyan nabe” berz kerdî. Demê ra dima ciwanan peynîya çalakîyanê xo ard.
Bismil de zî çalakî bî
Ciwanan û endamanê DEM Partî û DBP ya Bismilî zî bi meşaleyanê destê xo meş kerd û hêrişê serê taxanê Şêxmexsûd û Eşrefîye ya Helebî şermezar kerd û meydanê şaristanî de zî eşkarayîye ameyê vendene.
