Hunermend Mihemed Elî Hesen Hebîb ke encamê hêrişanê çeteyanê HTŞ û Tirkîya yê taxanê Şêxmeqsûd û Eşrefîye yê Helebî de birîndar bibi, cuya xo vîndî kerd.
Keyepelê Efrîn El Anî eşkera kerd ke hunermend Mihemed Elî Hesen Hebîb ke Efrîn ra yo, encamê hêrişanê çeteyanê girêdayeyê HTŞ û Tirkîya yê taxa Şêxmeqsûd a Helebî de birîndar bibi. Ame eşkerakerdene ke Mihemed Elî Hesen Hebîb 10ê çele roja şeme cuya xo vîndî kerda.
Çimeyan dîyar kerd ke demo ke merdimanê ey waşt cenazaya ey berê Efrîn, paweyê kontrolî yê Ewarid ê taxa Şêxmeqsûdî vindertê ke çeteyan keyeyê înan ra 2 kesî girewtê.
Goreyê agahîyan kesê girewteyî, lajê ey Qasim Mihemed Hebîb (22) û zamayê ey Remedan Hesko yê û heta nika aqubetê înan nêyeno zanayene.
