Hemsereka DEM Partî Tulay Hatîmogullari vat: “Hêzê çewî do nêeşko israrê ma yê aştîye bi reşkerdişê qiseyanê ma bişikno. Pêro xîretê ma seba aştîya rûmetin o.”
Hemsereka DEM Partî Tulay Hatîmogullari derheqê reşkerdişê qiseyanê xo de eşkerayîyêke daye.
Tulay vat: “Hêzê çewî do nêeşko israrê ma yê aştîye bi reşkerdişê qiseyanê ma bişikno. Pêro xîretê ma seba aştîya rûmetin o.”
Vizêr qiseyê ke mi Amed de vatbî hetê tayê organanê medya û medyaya sanale de ameyî çewtkerdene, reşkerdene û seke ‘mi tehdît kerdo’ ameyê lanskerdene.
Yew eleqeyê qiseyanê mi bi nînan çin o. Ez nê prosesê muhîmî de bi hesasîyet û mesuldarî têgêrena.
Ganî Tirkîya û Rojhelatê Mîyanênî de çareserîya meseleyê Kurdan û aştîye bêrê caardene. Ma tim zî îfade kerd ke seba ney destê ma ra çi bêro ma do bikerê. Çareserîya aştîyane çareyê pêro rijîyayîşan a.
Ma partîyêka winayêne yê ke hol zanenê ke bi ziwanê tehdîtî çîyêk çareser nêbeno. Meseleyê ma yo esas no yo ke seba çareserîya demokratîke û aştîyane gamê muhîmî bierzîyê.”
