Heyetê DEM Partî û DBP’yî ke wazeno bivîyaro Rojavayê Kurdîstanî, resa Zaxo.
Heyetê Partîya Têduştî û Demokrasî ya Şaran (DEM Partî) û Partîya Herêman a Demokratîke (DBP) ke hemserekê pêroyî zî tede ca gênê, seba zîyaretê Rojavayê Kurdîstanî vîyart Herêma Federe ya Kurdîstanî. Heyet Berê Sînorî yê Xabûrî ra vîyart Başûr û tîya ra Berê Sînorî yê Sêmalka ra do şêro Rojava. Heyet partîyê sîyasî û temsîlkaranê herême yê dînamîk ê sîyasîyan reyde pêvînayîşan keno.
Kesê ke heyetî de ca gênê nê yê:
Hemsereka Pêroyî ya DEM Partî Tulay Hatimogullarî, Hemserekê Pêroyî yê DBP’yî Pêroyî Keskîn Bayindir, Verfeka Înîsîyatîfê Yewîya Demokratîke Gulcane Kaçmaz Sayyîgît, Înîsîyatîfê Yewîya Demokratîke ra Îmam Taşçier, Verfeka SODAP’î Kezbane Konukçu, Verfeka TJA’yî Çîmene Fîdan, Dayîka Aştî Asya Tay, Îdarekarê OHD’yî Mehmet Alî Aslan, Endamê Kongra Îslamê Demokratîkî Alî Angay, Parlementerê DEM Partî Alî Bozan, Serekê Baroyê Mardînî Ahmet Duyan, Serekê Baroyê Amedî Abdulkadîr Guleç û Endamê Heyetê Îdareyî yê Baroyê Batmanî Rûstem Siyahtaş heyetî de ca gênê.
