Cinîyê Dêrsimiji Esma Anlamaz û Gulten Gule reaksîyon nîşanê hêrişanê vera Rojavayî da û wina va: “Rojava kî Dêrsim kî welatê ma yo û ma veng danê sarê xo vanê, poştî bîderîme sarê Rojava.”
Her çiqas adirbest bêro îlankerdene zî hêrişê çeteyanê HTŞ-DAIŞ û çeteyê ke girêdayeyê dewleta tirke yê vera kurdanê Rojavayî dewam kenê. Vera nê hêrişan sere de reaksîyonê şarê kurdî û şaranê cîhanî bî berz û wayîrvejîyayêşeko xurt kewt kar. Reaksîyono tewr xurt hetê cinîyan ra vejîya werte. Cinîyanê Dêrsimijan rewşa Rojavayî ser ajansê ma ra qisey kerd.
‘Vengê xo aştîye ser berz bikerîme’
Esma Anlamaz, vengê aştîye berz kerdene ser qisey kena û wina vana: “Rojava de ebe destê cenîyan aştîye virajîya. Çixa ke qom esto ame jû ca. Perê şarî weşîye xo pîya ramnene. Nê rojû ÎŞID nêverdano, sarê ma mîyanê aştîye de bimano. Ma zanîmeke kam poştî dano nê çeteyan. Sare Elewî, Kurd û Dûrzî teyna nîyîme, poşt û dest bidime jûmînî. Heqê înû de berîme. Qomê Dêrsimî ra vame ‘sare Rojava teyna nêmano. Na tengîye ewro Rojavayî rê ama meşte sarê Elewîre yena. Sare Rojava teyna nî yo. Zalimû welate xo de nêvezeme.”
‘Xizir îyêke tengîye de rê raxelesno’
Aşma Xizirîya û Xizir îtîqatê Elewîyan de cayê de zaf gird de ca gêno. Gulten Gule venga Xizirî dana vana kam ke tenge de ro wa tenga înan de bireso, wina vana: “Aştîye vazeme. Heq çîyo xiravin ma re dûrî bero. Heq Cencî bîjero binê peranê xo, dez mevînê. Xizir cencû tengiye de meverdo. Ceng nêvazeme. Heq rindîye bîyaro. Kes re towa me vo. Vazeme ke dîna de rehetî bivo. Îyê ke tengîye de rê heq raxelesno. Rojê Xizir de mineta mî nawa.”
