Komîteyê Amadekar ê mîtîngê “Hêvî û Azadîye” derheqê plansazîya mîtîngî de kombîyayîşê çapemenî organîze kerd û dîyar kerd ke seba şertanê hewayî û welatijanê ke do şaristananê teberî ra biameyêne, ameyo taloqkerdene.
Mîtîng bi sloganê “Azadîya Rayberî azadîya Rojava ya” 25ê çeleyî de Meydanê Îstasyonî yê Amedî de seba waştişê azadîya fîzîkî ya Rayberê Şarê Kurdî Abdullah Ocalanî biameyêne viraştene, ame taloqkerdene.
Hemserekê DEM Partî yê Şaristanî yê Amedî Abbas Şahînî vat: “Seba giranîya şertanê zimistanî û ewleyîya şarê ma ke do şaristananê teberan ra biameyêne, mîtîng seba tarîxêko bîn ame taloqkerdene.”
Şahînî dewam kerd: “Ewro ra pey heme şaristan, qeza û taxan de ma do piştîdayîşê Rojava gird bikerê. Têkoşînê ma yê hem vera hêrişanê Rojava hem zî seba azadîya Rayber Apoyî do bêmabên dewam bikero.”
