Şûbeyê ÎHD’î yê Îstanbulî verva hêrişanê Rojava ser eşkerayî daye û dîyar kerd ke seba ke şer vindero ganî heqê şarê kurdî bêro naskerdene.
Şûbeyê Komaleyê Heqanê Merdiman (ÎHD) ê Îstanbulî Meydanê Şîşxaneyî yê qezaya Beyogluyî seba vindertişê hêrişanê Rojava ser eşkerayîye daye. Eşkerayîye Sereka şûbeyê ÎHD’î yê Îstanbulî Jiyan Tosune wend.
‘Ganî kes verva hêrişan bêveng nêmano’
Jîyan Tosune dîyar kerd ke Kobanî seba dinya bîya sembol û wina vat: “Serra 2014 de DAIŞ’î hêrişê Kobanî kerd. Ê wextan hêzanê DAIŞ’î vera kurdan vîndî kerd. Badê cû ke HTŞ ame îktîdar, Sûrîye de hêrişê şarê elewî, durzî û kurdan kerd.
‘Demokratîkbîyayîşe Sûrîye do tesîrê Tirkiye zî bikero ’
Dewamê qiseykerdişê xo de Jîyan Tosune bale ante ser pawitena heqê kurdan û wina vat: “Seba ke şer bêro vindarnayene ganî heqê şarê kurdî bêro naskerdene. Ganî Sûrîye de îktîdarêko demokratîk bêro ronayene. No îktîdaro demokratîk zî do tesîrê xo Tirkîya ser o bikero. Ganî kes verva nê hêrişan bêveng nêmano.”
