Ronîştoxê Kantona Firatî seba şermezarkerdena hêrişanê serê Kobanê mîtîng viraşt. Mîtîng de ame dîyarkerdene ke ganî ey bi xoverdayîşê xo plananê neyaran puç bîkerê.
Roniştoxê kantonê Firatî verva hêrişanê Kabanî ser meydanê Şehîd Egîdî de mîtîng viraşt. Mîtîng bi rêzgirewtiş destpêkerd. Dima ra fermandarê şervananê pawitoxanê Hepsê Eqtanî Cemîl Mazlûmî qisey kerd.
Cemîl Mazlûmî dîyar kerd ke xoverdayîşo ke Hepsê Eqtana ame ramitene. Xoverdayîşêko zaf xurt bî û wina vat: “Dişmen her het ra hêriş keno, çîyo ke şarê ma ra yeno waştene paştî dayena şervananê xo yo û zerrî û can ra xoverdayene kerdena. Çike wext wextê biyayene û nêbîyayene yo. Aye ra ganî ma xoverdayîşê xo xurt bikime.
Mazlûmî ard ziwan û vat: “Ma qet dest şarê xo ra veranêdanê, ma verê xo dayo şaristanê Kobanê, çike ma zanîme ke Kobanî her çar hetan ra zî ameyo dorpêç kerdene. Ma xo pawitenêka meşrû kenê, heta na roje ma hêriş nêberdo serê kesî, la dişmen bi awayêka xedare hêrişanê ma û şarê ma keno.”
Cemîl Mazlûmî wina vengdayîş kerd: “Ganî şarê ma paştîya şervananê xo de bo û hêza xo ya xoverdayîşî û têkoşîne xurt bikero ke ma plan û xeyalanê dişmenê xo veng vejê.
Mîtîng bi slogananê “Berxwedan jîyan e” û “Bijî berxwedana Kobanê” ame berzkerdene.
