Avukat û keyeyê Dîyar Koçî dîyar kerd ke dozgerîya Amedî qerar dayo ke Dîyar Koç do seba tedawî sewqê Anqarayî bêro kerdene û rewşê ey peynî zî stabîl o.
Cîwano bi nameyê Diyar Koç ke 20ê çele de qezaya Nisêbînî yê Mardînî çalakîyê wayîrvejîyayîşê Rojavayî de bi îşkencekerdiş amebî destbendkerdene û rixmo ke tedawîyê ey temam bibo nêweşxane ra ame vetene û amebî girewtene û o erşawit hepîsxaneyê Tîpa E yê Mardînî.
Rayberîya hepîsxaneyî semedê rewşê Dîyar Koçî ê bi rîsk qebûl nêkerd ke uca bêro girewtene û vat ke ganî Dîyar Koç sewqê nêweşxanî bêro kerdene. Dima Dîyar koç sewqê Nêweşxaneyê Perwerdeyî û Cigêrayîşê yê Gazi Yaşargîl ê Amedî ame kerdene. Goreyê agahîyê ke keyê û avukatê ey doktoran ra girewtebî, rewşê Dîyar koçî hema zî stabîla û doktaran vato ê hema nêzanê gonî şîya sereyê ey ya nêşîya.
Keye û avukatê Dîyar Koçî ajansê ma rê eşkera kerd ke dozgerîyê Amedî qerar dayo ke do seba tedawîya Dîyar Koçî sewqê Anqara bêro kerdene. La nêame zanayene ke do Koç senî û çi wext berê Anqara.
