Verê Şaredarîya Akdenîzî de çalakîya verba vatişê tayînkerdişê qeyûmî domyeno.
Çarçiweya cipersayişê Serdozgerîya Komare ya Mêrsînî de Şaredarîya Akdenîzî ra operasyon virazîyabî, operasyon de Hemşaredarê Akdenîzî Hoşyar Sariyildiz û Nurîye Aslan, Endamê Meclîsê Şaredarîya Akdenîzî Ozgur Çaglar, Neslîhan Oruç, Yakup Daniş û Hîkmet Bakirhan zî ameybî binçimgirewtişî.
Dima zî Şaredarîya Akdenîz ra polîsan vatê; qeyûm ameyo tayînkerdiş. Welatijan verba vatişê tayînkerdişê qeyûmî ser o reaksîyonê xo nîşan danê û verba banê Şaredarîya Akdenîzî de zî pêser benê. Polîsan ban û dormeya şaredarîye dorpeç kerdê, personelan ra zî kewtişê şaredarîye qedexe kerdê.
Hemsereka Pêroyî ya DEM Partîye Tulay Hatîmogullari verê banê Şaredarîya Akdenîzî de têameyişê şarî ra do beşdar bibo.
