Edene de operasyonê awa zemzemî virazîya û 16 tonê awa zemzemî ya sexteyî desteser kerdê.
Tirkîya de her ke şono sextekarîya her çikî zêdîyeno. Sextekarîya riwena zeytunî, hingivî û îçkîyî virazîya, na ray sextekarîya awa zemzemî kerdê. Edene de peynîya operasyonî 16 tonê awa zemzemî ya sexteyî desteser kerdê. Awa zemzemî TIR’an reyde Mekke ra ardî û peynî zî bi awa çirre zêde kerdê û seba ke fam nîro kerdişî zî zereyê awa zemzemî zî aroma ronayê.
Sextekaran bi nê rayîrî roje de 20 tonê awa zemzemî ber kerdê. Seba ke awa zemzemî ra elaqa est a, no ser zî sextekaran no rayîrî şuxulnayê.
