Endamê Heyetê Rayberîya Xosere yê Kobanî Mizgîne Xelîl û Ebdulrehman Demîr derheqê netîceyanê pêvînayîşê Helebî de eşkerayî daye. Mizgîne Xelîl vat ke ganî hêzê leşkerî yê girêdayeyê Şamî dewanê Kobanî ra vejîyê ke koçberî bi rehetî agêrê dewanê xo.
Vizêrî Heleb de mabênê heyetê rayberîya Kobanî û heyetê şaristanê Helebî de kombîyayîş virazîya. Endamê heyetê rayberîya Kobanî agêrayê Kobanî û derheqê pêvînayîşî de ANHA rê qisey kerd.
Endamê heyetî Ebdulrehman Demîr dîyar kerd ke şarê Kobanî hêvîyê munaqeşeyane Helebî yê û vat: “Ziwanê pêameyîş û dîyalogî aver bî. Ma waşt ke rîpelê vîyarteyî bigîrê û rîpelêko newe akerê, seba ke ma Kobanî pîya rayraberê, ewlekarî û dezgeyê ey ma do pîya rayraberê.”
Mizgîne Xelîl derbarê pêvînayîşan de wina vat: “Serê esasê dawetkerdişê şaristanê yê girêdayê hukmatê Şamî yê Sûrîyeyî ma şî Heleb. Badê peymane 30ê çeleyî de ame viraştene, yew tira madeyê na peymane yê ke Kobanî sey sîstemê verê hetê îdarî û emnîyetî de girêdayeyê şaristanê Helebî bo. Seba kar û probleman reya verên a ma vîyartî şaristanê Helebî.”
Mîzgîne Xelîl bale ante serê pêvînayîşê ke virazîyayê û wina vat: “Ganî hêzê leşkerî yê girêdayê hukmatê Şamî yê xeylê dewanê kobanî de yê, vejîyê ke koçberî Kobanî bi rehetî derbasê dewanê xo bibê. Sewbîna serê xeylê problemanê bînan û dorpêçê ke ma nika tedeyê û xeylê lazimatîyê rojane, awe, ceryan û problemê ciwîyayîşî vejênê meydan. Zaf îşaretê cîyakarî ke Sûrîye de ameyê kerdene nê cîyayeyî Sûrîyede xo reyde zengînî anê ke ganî merdim zêdetir pawitena înan bikero û bi aramî biciwîyo, şer, pêkewtiş, kaos û dişmenîye ra dûrî bo.”
