Şengal de hetkarîya ke bi amancê paştîdayena koçberan ameya kom kerdene ver bi Rojavayê Kurdîstanî ame erşawitene.
Şarê Şengalî ke hetê ke ra roja hêrişanê verva Rojavayê Kurdîstanî dest pêkerdbî heta nika payan ser o yê, heta bîn ra xebatanê komkerdişê hetkarî kenê. Kampanyaya hetkarî ke 25ê çele de dest pêkerdbî, heta 6ê sibate dewam kerd. Semedê şertanê giranan yê zimistanî, şarê Şengalî hîn zêde eşyayê germkerdişî, kinc û kisvet û lazimatîyê bingeyînî yê mewsîmî kom kerdî.
Hetkarî kewte rayîr
Hetkarîya ke heta nika ameya kom kerdene bi hawayêko komînî verê cû ame tesnîfkerdene û dima ra ame barkerdene. Semedo ke berê sînorî yê rasterast mabênê Şengal û Rojava de girewteyê, erşawitişê hetkarî rayîranê alternatîfan ser o virazêno. Hetkarî 2 tiran pê yena, Şengal ra ver bi şaristanê Dihokî ra ame erşawitene û yeno pawene ke her di tirê hetkarî, siba do berê Sêmalka yê mabênê Başûr û Rojava de vîyartene Rojavayê Kurdîstanî bibo.
