Serekê Herêma Kurdîstanî Nêçîrvan Barzanî Konferansê Ewleyî yê Munîhî de Senatorê Amerîkayî Lindsey Graham, Serekkomarê Azerbaycanî Îlham Alîyev, Wezîrê Averşîyayîş û Aborî yê Almanyayî Reem Alabali Radowan reyde pêvînayîş kerd.
Almanya de Konferansê Ewleyî yê Munîhî dewam keno. Konferansî de Serekê Herêma Kurdîstanî Nêçîrvan Barzanî xeylê serek û temsîlkaranê welatan reyde pêvînayîş kerd. Pêvînayîşan de hîna zaf heqanê kurdan û qanûno bingeyî yê Sûrîye de bicakerdişê heqanê kurd ê bingeyînan ser o munaqeşe û qiseykerdişî ameyê kerdene.
Nêçîrvan Barzanî sere de Serekkomarê Azerbaycanê Îlhan Aliyevî reyde pêvînayîş kerd û pêvînayîşî de averberdişê têkilîyanê Azerbaycan û Herêma Kurdîstanî ser o vindertê.
Nêçîrvan Barzanî Konferansî de dayîşûgirewtişê dîplomatîk ê bînî zî kerdê. Ewroyî Senatorê Amerîkayî yo Komarperwer Lindsey Graham û heyeto ke ey reyde yo, înan reyde pêvînayîş kerd.Ame vatene ke pêvînayîşî de hemkarîya hempare û hedîseyanê Kurdîstan û Îraqî ser o qiseykerdiş ame kerdene.
Barzanîyî dîyar kerd ke Kurdîstan faktorê îstîkrarî yo û seba çareserkerdişê têkilîyanê Kurdîstan û Îraqî waştişî pêşkêş kerdê.
Ame dîyarkerdene ke babetêka bîn a sereke rewşa kurdanê Rojavayê Kurdîstanî bîye. Seba ney zî taybet ameyo waştene ke heqê kurdan û netewanê bînan ê Sûrîye qanûno bingeyî de bêrê bicakerdene.
Nêçîrvan Barzanî Wezîrê Almanyayî yê Aborî û Averberdişî Reem Alabali Radowanî reyde pêvînayîş kerd û her di hetan zî seba averberdişê aborî yo dihetî waştişê xo îfade kerdê.,
Sewbîna Nêçîrvan Barzanî Konfernasî dde Sereka Komîsyonê Yewîya Ewropayî Ursula Von Der Leyen
Reyde ame têhet.
