Meclîsê Kirmanckîye bi wesîleyê Roja Ziwanê Dayike ya Dinya ya 21ê Sibate, 20ê sibate roja îne saete 12.30 de verê Postaxaneyê Girdî yê Sûrî de çalakîye organîze kena.
Meclîs semedê pawitişê kirmanckî/zazakî ke hemverê talûkeyê vindîbîyayîşî de yo, venga herkesî dano ke beşdarê çalakîya înan bibê.
Meclîsê Kirmanckîye çarçewaya Roja Ziwanê Dayike ya Dinya ya 21ê Sibate de semedê kirmanckî/zazakî/kirdkî/dimilkî ke vindî beno û hemverê talûkeyê vindîbîyayîşî de yo, çalakî û aktîvîteyan organîze keno.
Meclîs bi sloganê “Ez nêwazena ziwanê mi vindî bibo” bi beşdarîya heme derûdormeyan ke nêwazenê zazakî vindî bibo, bi hewayêko girseyî UNESCO, Serekkomarîye û Wezaretê Perwerdeyî yê Millî rê mektuban erşawena.
Çalakîye ke bi hemkarîya Sazgehanê Ziwanê Kurdkî û Platformê Sazgehanê Demokratîkan yena organîzekerdene, 20ê sibate 2026 saete 12.30 de verê Postaxaneyê Girdî yê Sûrî de do biba.
Meclîs venga herkesî dano ke beşdarê çalakî bibê û vano: “Semedê xurtbîyayîşê xebate ma do bi beşdarîya heme dormereyananê ke nêwazenê zazakî vindî bibo, keyfweş bibê.”
