Partîyê sîyasî qezaya Hopa de bi wesîleyê çalakîya “Şar deyîranê xo vano” ameyê têhet û deyîrî vatî.
Umut Sen, Devrîmcî Duruş, ESP, EMEP û DEM partî, semedê 21ê Sibate Roja Ziwanê Dayîke ya Dinya, Salona Konferansî ya Ataturkî ya Odaya Bazirganî û Endustrî ya Hopa ya Artvînî de, çalakîya “Şar deyîranê xo vano” viraşte. Xeylê kesî tewrê çalakî bîyî. Çalakî de deyîrê kultur û ziwananê cîyayan ra ameyê vatene.
Muzîkjen Maria Abaşhidze şewe de sehne girewt û bi deyîranê xo beşdarî mest kerdê. Sewbîna zî Koroyê Cinîyan ê Zaf Veng ê Findikliyî zî mohrê xo da şewe ro. Koroyî, xeylê ziwan û kulturanê cîyayan ra deyîrî pêşkêş kerdê.
