Goreyê agahîyan Wezîrê Karanê Teberî yê Umanî pare kerd ke do roja pancşemeyî Dewletê Yewbîyayeyî yê Amerîkayî (DYA) û Îran Cenevre de pêvînayîşanê hîrêyinî yê nukleerî virazê.
Wezîrê Karanê Teberî yê Umanî Bedr bîn Hamed el-Busaydî serê hesabê xo yê medya dîjîtal de dîyar kerd ke pêvînayîşanê hîrêyinî yê derheqê nukleerî yê mabênê Îran û DYA’yî de 26 sibate 2026î de do şaristanê Cenevre yê Swîsre de virazîyo. Bedr bîn Hamed el-Busaydî bi pêvînayîşanê ne rasterast de mabênkarîya dayîşûgirewtişan keno.
El-Busaydî eşkerayîya xo de dîyar kerd ke her di hetî îhtîmal esto ke ver bi peymanêk ra gamanê pozîtîf bierzê.
Ajansê Ewropa, hem eşkerayîya wezîrê Umanî û hem zî pabêyê kombîyayîşêk Cenevre de mabênê Wezîrê Teberî yê Îranî Abbas Arakçî û Temsîlkaro Taybet ê Amerîkayî Steve Witkoff de teyît kenê. Ame zanayene ke dîplomatî do çarçeweyê metnê ke derheqê programê nukleerî de bixebitîyê.
Astê zengînkerdişê uranyûmî, senî nimitena uranyûmê zengînkerdeyî yê Îranî do bibo babetê munaqeşeyan. Seba pêvînayîşan her çiqas serê hinî “prensîbanê pêroyî” de averşîyayîş amebî eşkerakerdene zî seba netîceyê peyênî tu pêameyîş nêameyê ca.
Hêvîya hed di hetan zî dîplomasî ra est a. Çimdarê mîyanneteweyî îqaz kenê ke eke dayîşûgirewtiş ser nêkewê, do alozî zêdê bibo û do mabênê hetan de şerêko netîceyê ey nedîyar vejîyo meydan.
