Rojnameyê polîtîk û îdeolojîk ê aşmane Komînal do aşma adare de bi sloganê “Merdimîye de îsrar, sosyalîzm de îsrar o” Ewropa de dest bi weşanî bikero.
Komînal do bibo vengê têkoşînê demokrasî û têduştî ke paştîya xo dano cîyayî û azadîya merdimîye û şarê kurd a bi pêşengîya cinî û ciwanan.
Seba Rojnameyî wina ame vatene: “Komînal do tu wext bêhet nêbo; do her tim hetê heqîqet, rastîye, başî, rindîye û azadîye de bibo. Hemverê hêrişanê qirker û mêtînger ê serweranê tirk, ereb û fars do her tim wayîrê têkoşînê demokrasî û azadîye yê şarê kurdî vejîyo û bibo vengê geş ê nê têkoşînî.
Komînal do nê fikrê xo rê bikero esas ke problemê komelkî yê destpêkî û tewr xorîn ê kolekerdişê cinî yê bi destê grûba seydawan a camêrd û kiştoxo kastîk dest pêkerdo û bi sîstem û mezgê serwerîya camêrdê nê serdemî reyde resayo daraxo tewr berz. Komînal do her ca de her tim vera sîstem û mezgê serwerîya camêrdî hemverê her tewir nêzdîbîyayîşanê cînsîyetperest ê nê bingeyê ser o vejîyayê orte, xeta azadîye cinî xo rê bikero esas û seba bicaardişê şorişê azadîye cinî û bidestvistişê serkewtişan do xover bido.
Rojnameyê Komînal do hêzê xo paradîgmaya modernîteya demokratîke û bawerîya bi sosyalîzmê komelê demokratîk ra bigîro.
Hemverê her tewir nêzdîbîyayîşanê cînsîyetperest, esasê xeta azadîya cinî seba caardişê şorişê azadîya cinî û bidestvistişê serkewtişan, sewbîna vera madîyatperestî û ezeztîya modernîteya kapîtalîst seba awanbîyayîşê komelê demokratîk ê bingeyê komunalîteyî ser o do berpirsîyarîya xo bîyaro ca.”
