Grûbanê çekdaran hêriş berd serê baregehê leşkerî û merkezê asayîşê Hukmatê Demkî yê Bûkemal, Sûsa, Baxoz yê Dêrazorî.
Merkezê Çimdarîyê Heqanê Merdiman ê Sûrîya (SOHR) eşkera kerd ke herêma Dêrazorî xeylê hêrişî çekdarî viraziya yê. Merkezî eşkera kerd ke çekdarî beno ke girêdayê DAIŞ’î bê, dorûverê rojhelatê Dêrazorî hêriş berd serê baregehê leşkerî û asayîşê yê girêdayê Hukmatê Demkî yê Sûrîya.
Hîrê nuqtayan de hêriş kerd
SOHR’î dîyar kerd ke çekdaranê nenasî baregehê Firqeya 86î ê şaristanê Bûkemalî ser guleyî varnayê, la derheqê zîyanan de tu agahî nêameya dayene. Sewbîna zî hêrişêko bîn serê nuqtayêk kontrolî yê şaristanokê Baxozî, merkezê asayîşî yê Sûsa virazîya.
Badê apey antişê HSD’î kaos vejîya
Badê apey antişê HSD’î nê herêman ra venganîya asayîşî vejîya werte û têgêrayîşê DAIŞ’î yê nê herême zêdê bîyî. No demêko mabênê çeteyanê girêdayî Tirkîya, grûbê Hukmatê Demkî yê Sûrîya ke zafê înan HTŞ’yî ra pê yenê û hucreyê DAIŞ’î de pêkewtiş zêde bîyê.
