Axavêrên komxebata Egitim-Senê rûniştina duyem li ser politîkayên bişaftinê axivîn û destnîşan kirin ku dewlet ji bo zimanê Kurd asimîle bike her dem politîkayên qirej dimeşîne. Axavêran xwestin li dijî polîtikayên bişaftinê xebatên xwe xurtir bikin.
Şaxên Sendîkaya Kedkarên Zanîst û Perwerdehiyê (Egîtîm-Sen) yên Amedê bi serenavê “Di perwerdehiya bi zimanê zikmakî de ber bi çareseriyê ve: Derfetên Heyî, Astengî, Pêşniyazî” li Çand Amedê (Navenda Kongreyê ya Şaredariya Bajarê Mezin) ya li navçeya Yenîşehîr a Amedê komxebatek li dar xist. Komxebata Egitim-Senê didome. Di rûniştina duyemin de axaver Fatma Gok li ser mijara “Yekzimanî”, Azad Dildar; “Li ser derûniya civakî, bandora tunebûna perwerdeya bi ziamanê”, Dilawer Zeraq jî li ser mijara “Asîmîlasyon û rêbazên serederîkirina pê re” axivî.
‘Li dijî bişaftinê berxwedanek mezin heye’
Di rûniştina duyemîn de ewil Prof. Fatma Gok axivî. Fatma Gok diyar kir ku polîtîkayên dewletê li ser her qadên jiyanê bandoreke neyînî dikin û got: “Politîkayên dewletê yekzimanî ye. Ez hej jî gotina “Kamber Ateş tu çawayî” ji bîr nakim. Ev li vê ednîgariya me şermek mezin e. Lê ev politîkayên dewletê bi ser ne ketin. Gelê Kurd berxwedanêk dîrokî nîşan da. Gelê Kurd ji bo ziman û çanda xwe her dem di nav berxwedanê de ye. Zilma bê dawî heye. Lê berxwedaneke bênavber jî heye. Ev berxwedan hêviyêk mezin da me.”
‘Pişaftin li ser hiş tê meşandin’
Piştre axevêr Dilawer Zeraq xwest serekê mijara bişaftinê bê famkirin û got: “Dema bişaftin bi ser ket, ew heta mirinê didome. Bişaftin ne li ser ziman tê meşandin. Li ser hiş û mejî tê meşandin. Dema ku bişaftin dest pê dike mirov ji zimanê xwe dûr dikevê. Helbestwan Cemal Sûreya Kurd e. Lê hate dawiya emrê xwe Kurdbûna xwe veşartiye. Divê gelê Kurd li ser politîkayên hişyar be. Îro em hatin wê astê. Em nikarin politîkayên bişaftinê bisekînin. Dema zarokên me biçûk in dayîka xwe re dikarin Kurdî bikaxivin. Lê dema mezin dibin nikarin Kurdî biaxivin. Divê em di ve komxebatê de çareseriya rê ji xwe re derxin.”
Azad Dildar jî axivî û diyar kir ku bandora ziman li ser zarokan gelek girin e û wiha axivî: “Zarok bi zimanê dayîkê perwerde nebinin perwerdayî hebe jî kêm e. Zimanê dayîkê femkirinê zedê dike. Zimanê zikmakî di zikê dayîkê de dest pê dike. Girîna zarokan jî heta li ser zimanê dayîkê derdikevê holê.
Xomxebat rûniştina seyemîn berdewam dike.
