78 serra Kemal Gunî ra sibata 2024î de bi idîaya endamê rêxistinî cezaya 6 serra 3 aşme ame dayiş û peynî zî ey heps kerdê. Kemal Gun rûniştişê hîreyin ê dewaye de veredîya
78 serra Kemal Gunî ra sibata 2024î de bi idîaya endamê rêxistinî 6 serre 3 aşme ceza birîya û peynî zî Kemal Gunî, Zindanê Sîncanî de heps kerdê, runiştê hîrêyin ê dewaye Mahkemeya Cezaye ya Adlîyeya Stenbolî de ame dîyîş. Rûniştişê dewaye ra kênaya Kemal Gunî Sereka Cemxaneyî ya PSAKDî Beyhan Gune, Serekê Cemxaneyê Şehîdê Gazîyî Ferhat Aktaş û rayedarê cemxaneyî, endamê PSAKDî û Serekê Şaxê Gazîosmanpaşayî Hidir Çam, rayedarê Şaxê Esenlarî yê PSAKDî û Serekê Komeleya Sîmîtroşanî Yilmaz Korkmaz beşdar bîyê.
Rûniştişê dewaye ra Kemal Gun bi silgirîya SEGBÎSî beşdar bî, pawitoxa Kemal Gunî Doga Încesu zî rûniştî de hadre bî. Verba mutalaya dozgerî de pawitox Doga Încesu wina pawitiş kerd: “Demê gêrayişê keyeyî Kemal Gunî de, fotografê Koma Yorumî, kêna û lajê Kemal Gunî vejîyayê û no ser heqê ey de bi îdiaya endamê rêxistinî dewa abî, eke ma bi ewnayişê huquqî biewnê na mesele ra qet sucêk mabênî de çînyo. Nêweşîya muvekîlê mi esta, nêeşkeno rayîrî ra bimeşo û no ser beraetê ey wazena.”
Kemal Gunî zî îfadeya xo de îdiayê dozgerî qebûl nêkerd û vat ke ey zî beraetê xo wazeno û peynî zî Kemal Gun veradîya
