Li rojhilatê Derayê komeke çekdarên girêdayî hikûmeta Şamê ya demkî êrişî karwanê alîkariyê kir û 7 kes revandin.
Hêzên girêdayî hikûmeta demkî ya Şamê êrîşî karwanê alîkariyên mirovî ku ji bajarê Ceramana ber bi Siwêdayê ve diçû kir. Hêzên çekdar di êrîşê de 7 xwebeş hatin revandin û xureka di erebeyan de dizîn.
Li gorî çavkaniyên xwecih, komeke çekdar li nêzî benda kontrolê ya hêzên hikumeta demkî ya Sûriyeyê karwan sekinand, xwebeş û erebe revandin. Çavkaniyan destnîşan kir ku ji revandiyan 3 kes hatine berdan, lê hîna 4 kes girtî ne û navên wan wiha ne: Abid Ebû Fexir, Fîdaa Ezam, Yamin Memdoh El Sehnawî, Ridwan Zeyd El Sehnawî ne. Kesên hatin revandin hemû ji Ceremanayê ne. Heman çavkaniyan anîn ziman ku ji bo berdana revandiyan peywendî didomin û rayedarên hikumeta demkî îdia dikin ku çekdarên eşîran li pey vê bûyerê ne.
Nêzî mehekê ye karwanên alîkariyan ji bo Siwêdayê li herêmên di bin kontrola hêzên hikumeta demkî de dorpêçkirî ne. Herî dawî di 8ê Tebaxê de li nêzî gundê Sehwa El Qemih ê li rojhilatê Derayê karwana Heyva Sor rastî êrişekê hatibû.
