Meclîsa Jinan a DEM Partiyê ya Manîsayê kuştina jinan şermezar kir û peyama “Jinên tên qetilkirin sedema raperîna me ye, rêxistinbûn xweparastina me ye” da.
Meclîsa Jinan a DEM Partiyê ya Manîsayê bi beşdariya gelek jinan li ber avahiya DEM Partiyê ya navçeya Golmarmarê daxuyanî da çapemeniyê. Di daxuyaniyê de pankarta “Jinên tên qetilkirin sedema raperîna me ye, rêxistinbûn xweparastina me ye” hate rakirin û hênavber dirûşme berz kirin.
Li ser navê Meclîsa Jinan a DEM Partiyê ya Manîsayê Zubeyde Tarlabolen daxuyanî xwend.
Zubeyde Tarlabolen anî ziman ku pergala serdest a mêran nikare jiyana jinan biparêze û wiha got: “Êrîşên li ser maf û destkeftiyên jinan ji aliyê desthilatdariya siyasî ve, rêziknameyên yasayî yên ku dixwazin jinan di malbatê de heps bikin, bi tayînkirina qeyûman îradeya jinan paşguh bikin, axaftinên Diyanetê yên li ser cil û bergên jinan û êrîşên li ser bedena jinê şerê li dijî jinê ye. Di serdemek wisa hêja de ku pêvajoya aştî û civaka demokratîk tê nîqaşkirin, êrîşên li ser jinan, maf û destkeftiyên jinan û pêkanîna polîtîkayên şerê taybet zirarê dide pêvajoyê. Nîvê civakê li dijî polîtîkayên bêdengkirin û çavtirsandinê yên li dijî jinê ku mijarên aştiyê ne, raperîna me mezin dikin û em dibêjin xweparastina me rêxistinbûna me ye.”
Daxuyanî bi berzkirina dirûşmeya “Jin jiyan azadî” bi dawî bû.
