Înîsîyatîfanê Herêma Vakur û Rojhelatê Sûrîye û Sûrîye çarçewaya kampanyaya “Ez wazena Ocalanî bivîna” de 2 hezar û 541 îmzayî kom kerdî û sey mektub Sekreterê NY, CPT, Konseya Yewîya Ewropa û Konseya Heqanê Merdiman û Wezîrê Edaletî yê Tirkîya rê erşawit.
Înîsîyatîfê Azadîya Rayberê Şarê Kurdî Abdullah Ocalan ê Sûrîye û Înîsîyatîfê Avûkatan ê Sûrîye seba pawitişê heqanê Rayberê Şarê Kurdî Abdullah Ocalanî 20ê tebaxe de dest bi kampanyaya mîyanneteweyî ya “I want to Visit Ocalan / Ez Wazena Ocalanî Bivîna” dabî destpêkerdene. Kampanya 10ê êlule de qedîyaye. Her di înîsîyatîfan 21ê êlule debi eşkerayîyêk dîyar kerd ke 2 hezar û 541 çalakîkerê heqanê merdimani akademîsyen, sîyasetmedar, zanyar, serekê eşîran, melayê dînî, doktor, endezyar, temsîlkarê komelan ê Herêma Vakur û Rojhelatê Sûrîye û Sûrîye (Şam, Heleb, Laziqiyê, Tertûs, Hums, Deraa, Quneytra, Siwêda û Îdlib), mîyanê nînan de kurd, ereb, suryan-asûr, ermen, êzidî, tirkmen, çerkes û mezhebê cîya yê Îslamî (Sunî, Elewî, Îsmaîlî û Durzî) zî beşdar bîyê.
Goreyê agahîyanê ke Ajansê Xeberan ê Hawarî (ANHA) endamê Rayberîya Înîsîyatîfê Azadîya Rayber Abdullah Ocalan ê Sûrîye Ferzende Munzurî ra girewtê, înan 22ê êlule de, encamê kampanya, nameyê kesayetanê ke wazenê Rayberê Şarê Kurdî Abdullah Ocalanî reyde pêvînayîş bikerê, sey mektub Sekreterê Pêroyî yê Neteweyanê Yewbîyayeyan (NY), Rêxistina Girewtişê Vernîya Îşkenceyî yê Ewropa (CPT), Serekîya Konseya Yewîya Ewropa, Konseya Heqanê Merdiman a Neteweyanê Yewbîyayeyan (NY) û Wezîrê Edaletî yê Komara Tirkîya rê erşawito.
