Wittgensteinî vato “Sinorê ziwanê mi, sinorê dinyaya min ê.” Nê vatişî ra îlham ameyo girewtene û Çand Amed de (Merkezê Kulturî ya Sezaî Karakoçî ya Amed) “Şewa Kirmanckî” yena organîzekerdene.
Şewe de hunermendê zazakî Celo Boluz, Derya Cengîz, Eylul Nazlier, Xoser Rayîrwan, Wusar, Bedrîye Topaç, Omer Barasî, Îdrîs Yazar û Mem Keleş Çîçek do hunerê xo yê deyîre û şîîran pêşkêş bikerê.
Programî de ke Şaredarîya Amedî ya Şaristanê Girdî paştî dano, saete 17:30î de bi koktêylî dest pêkeno û 19:00î de zî program dest pêkeno. Şewe de ke do hem ziwanê ma hem zî kulturê ma rê wayîr vejîyo, do hem deyîrê zazakî bêrê vatene hem zî hunerê zazakî yê şîîran bêro pêşkêşkerdene.
Organîzasyon logoyanê Weşanxaneyanê Vateyî, Morceleyê Kirmancî û Şaredarîya Amedî reyde ameyo parekerdene.
