Grûbê hukmatê demkî 29 rojî yo dorpêçêko giran dayo şaristanê Kobanî ser. Rewşa merdimî ya zafêrê 600 hezar kesî her ke şino giranêr bena.
Grûbê hukmatê demkî yê Sûrîye 20ê çeleyî ra şaristanê Kobanî girewto binê dorpêçêko giran. Netîce de rewşa merdimî, weşîye û xizmetî ya zafêrê 600 hezar kesî giranêr bena. Tehluke est o ke wextê nêzdî de felaketêk biqewimîyo.
Şaristan û dewanê Kobanî de lazimtîyê bingehîn xeylê kêmî bîyê, rayîr nîno dayîş ke hetkarî derbas bibê. No tesîro rasterast warê weşîye ser o kerd ke nêweşxane û merkezê weşîyê bi îmkananê xeylê tay kar bikerê û xeylê dermanî kêmî bîyê.
Welatijî srîyê çinbîyayîşê şitê tutan ra gazinc kenê ke tehlukeyê ciwîyayîşê pitikan ser o zêde keno. Xebatkaranê weşîye dîyar kerd ke dewamkerdişê na rewşe hişyarîyê zêdebîyayîşê nêweşîyan, bi taybetî çinbîyayîşê werdê başî mîyanê gedeyan û kesê bi emrê zêdeyêr de keno.
Welatijê Kobanî û sazgehanê ci seba derbasbîyayîşê hetkarîyan vengdayîşê akerdişê bilez ê korîdorê merdimî kerd. Welatijan dîyar kerd ke dorpêç binpaykerdişê qanûnanê merdimî yo.
