Înîsiyatîfê Sûrîye seba azadîya Rayberê Şarê Kurdî Abdullah Ocalanî 20ê tebaxe de dest bi kampanyaya îmzaayan kerd. Heta nika 370 kesanê namdaran waşt Rayberê Şarê Kurdî Abdullah Ocalan reyde pêvînayîş bikerê.
Înîsiyatîfê Azadîya Rayberê Şarê Kurdî Abdullah Ocalan ê Sûrîya û Înîsiyatîfê Avûkatan ê Sûrîya yê seba Pawitişê Rayberê Şarê Kurdî Abdullah Ocalanî 20ê tebaxe de bi eşkerayîyêk dîyar kerd ke ê do çarçewaya kampanyaya “I Want to Visit Ocalan / Ez Wazena Abdullah Ocalanî Bivîna” de Sûrîye de sîyasemedar, akademîsyen û pêşenganê komelî ra îmzayan kom bikerê. Verfekê Înîsîyatîfê Azadîya Rayberê Şarê Kurdî Abdullah Ocalanî Ferzende Munzurî Ajansê Xeberan ê Hewarî (ANHA) reyde agahî pare kerdî û dîyar kerd ke komîteyê ke ameyê awankerdene, zîyaretkerdişê sazgeh, dezgeh û kesayetanê kenê û ê xo resnenê zanyar, akademîsyen, sîyasetmedar, serekeşîr û kesayetanê bînan. Ferzende Munzur da zanayene ke 3 rojan de (21-24ê tebaxe) Herêma Vakur û Rojhelatê Sûrîye û herêmanê bînan ê Sûrîye de (Laziqiyê, Tertûs, Siwêda, Humis, Heleb û Şam) pêşenganê komel, sîyasetmedar, huqûqnas, akademîsyen, doktor, zanyar, serekê eşîr û êl, çalakîker û dîndaran ra 370 îmzayî ameyê komkerdene.
Kampanya 20ê Tebaxe de dest pê kerd û do 1ê Êlule de kampanya û îmzayanê ke ameyê komkerdene, derheqê înan de eşkerayî bida. Kampanya do goreyê lazimtîyan xebatanê xo bidomna.
Îmzayê ke do bêrê komkerdene do pêşkêşê Sekreterê Neteweyanê Yewbîyayeyan (NY), Yewîya Ewropa, Konseyê Heqê Merdiman ê NY, Rêxistina Girewtişê Vernîya Îşkenceyî yê Ewropa (CPT) û Wezaretê Edaletî yê Tirkîya bêrê kerdene.
