Parlamentera DEM Partî Gulîstan Kiliç Koçyîgît dîyar kerd ke pêvînayîşê Îmrali yo hirêyin do mîyanê çend rojan de bibo û vat: “Pêvînayîşî ra pey do teqwîmê vengdayîşê tarixî ke do Birêz Ocalan reyde bêro kerdiş, dîyar bibo.”
Parlamentera Sereke ya Grûba Partîya Têduştî û Demokrasîyî ya Şaran (DEM Partî) Gulîstan Kiliç Koçyîgît, kombîyayîşê xo yê meclîsî de derheqê pêvînayîşê Îmrali yê hirêyînî de tayê malûmatî dayê. Gulîstan Kiliç Koçyîgît, “Heyetê ma do mîyanê çend rojan de şêro Îmrali. Seba nê serepirodayîşanê xo yê ke lazim ê ewro yan zî siba do bikerê. Nê pêvînayîşî de do derheqê zîyaretanê ke Başûrê Kurdîstanî de bîyê û munaqeşayê ke uca de ameyê kerdene, Birêz Ocalanî reyde bêrê parekerdene. “Nê pêvînayîşî ra pey do teqwîmê vengdayîşê tarixî ke do Birêz Ocalan reyde bêro kerdiş, dîyar bibo. Çareserkerdişê meseleyê Kurdî de do destpêkê serdemêko newe bibo. Ma zanê ke vengdayîşêko tarîxî do bêro. Tayê pratîkê ke wazenê vernîya îtîfaqê Kurd û Tirkan bigîrê ganî hetê komele ra bêrê mehkumkerdene.”
Meclîsî rê vengdayîş
Gulîstan Kiliç Koçyîgît wina dewam kerd: “Wexto ke vengdayîşo tarîxî ame kerdene ganî meclîs zî sey berpirsîyarêk têbigêra, destê xo dekera binê kerra û seba ke lazimtîyanê nê vengdayîşî bîyara ca ganî bi lez dest bi karî bikera.”
