Destbenkerdena 5 rojnamegeran û 17 kesanê bînanê ke vizêrî serê sînorê Nisêbînî de amebî girewtene rojê de bîne ame taloqkerdene.
Vizêrî vera hêrişanê çetayanê hukmatê demkî yê Sûrîye û çeteyê kê girêdayeyê dewleta Tirkeyê, Nîsêbîn de çalekîyê girseyî virazîya bî. Polîsan nêwaşt ke nê çalakî bêrê antene û biresê şaran. Aye ra rojnamegerê ke nê çalekîyan ancenê nînan ra Hemsereka Komeleya Rojnamegeran a Dîcle Firatî (DFG) Kesîre Onel, muxabîra Ajansa Mezopotamyayê (MA) Heval Onkol, muxabîra JinNewsê Pelşîn Çetînkaya, rojnameger Ferhat Akinci, Muhammet Alî Yilmaz û Bariş Demîrcan zî mîyande xeylî kesî bi pirodayîş û mûameleyeka xirabe amebî bincimkerdene. Rojnameger Bariş Demîrcan Midûrîyeta Polîsan ê Nisêbînî de vizêrî danê şanî ame raverdayene.
Wextê destbendkerdene de polîsan dest da serê kamera û aletanê rojnamegeran. Polîsan kesê ke destbend kerdî berdî Midurîyeta Polîsan ê Mêrdînî. Îhtimal esto ke kesê ke ameyê destbendkerdene no şan ra an zî meşte şodir îfadeyê înan bêro girewtene.
Heto bîn ra demê destbendkerdena rojnamegerî zî tede 22 kesan rojê ameyo dergkerdene.
