Cezaya 6 serr û 3 aşmî dîyaye Hemşaredarê Qaxizmanî Mehmet Alkanî. Alkanî vat: “Seba ke vernîya qeyûmî akerî no qerar ameyo girewtene. Ma nê qerarî qebul nêkenê, no xesp o.”
Vizêr Mehkemeya Cezaya Giran a 2. ya Qersî de cezaya 6 serr û 3 aşmî dîyaye Hemşaredarê Qaxizmanî Mehmet Alkanî.
Mehmet Alkanî verba qerarî nêrazîbîyayîş mojna û vat: “Ez rîyê varayîşê vewre ra tewrê roniştişî nêbîya. Bi dosyayêka venge 6 serr û 3 aşmî ceza dîyaye mi. Eke ez hemşaredar nêbînê mi qetî berat kerdêne. La seba ke vernîya qeyûmî akerî qerarêko winasîn ameyo girewtene. Ma nê qerarî qebul nêkenê, no xesp o. Na darbeya verba îradeyê şarî ya. Şarê ma do nê qebul nêkero.”
Bado ke qerarê ceza ame eşkerakerdene polîsanê sîvîlan dormeyê şaredarî de ameyî têhet. Tayê polîsan wesayîtanê xo de pawitêne tayînan zî kafeyanê derûdorî de ameybî pêser.
