Dêrsim de pêşengîya Platformê Cinîyanê Demokratîk de seba 8ê Adare Mîtîng ame kerdene. Cinîyî Kûçeyê Hûnerî de amey peser û hatanû meydanê Sey Rizayî eve slogan eştene rayra şî û meydan de şahîya mîtîngî viraşte.
Dêrsim de pêşengîya Platformê Cinîyanê Demokratîk de seba 8ê Adare Mîtîng ame kerdene. Zaf ceynîyê Dêrsimijî û temsîlkar û xebatkarê sazîyan, wendekarî zî beştarê mîtîngî bîy.
Mîtîngî de serê nameyê Platformê cinîyan Elîf Yildize, Wekîla DEM Partî yê Dêrsimî Ayten Kordu û Hemşaredara Şaraderîya Dêrsimî Birsen Orhana ke dewlete bi qeyum şaredarîye ra kerde qisey kerd.
‘Emeg û rindîye destê ma de ra’
Serê nameyê platformê Cinîyan Elîf Yildize, qiseykerdişê xo de wina vat: “Cinîkê Dêrsimî, welatê ma de Gulîstan Dokuye bîye vîndî. Xeylê waxto ke nê asena. Afganîstan û Sûrîye de Cinîkî bîndestîye de rê. Ma Cinîke Dînya, rindîye û aştîye vazenîme. Rojhelato Mîyanên de ceng esto. Cinîkî zaf heşîrîye vînenê. Ma welatê xo de, Rojhelato Mîyanen de, dîna de çîye xiravin û ceng nêvazenîme. Emeg û rindîye viraştene destê madera”
‘Teyna nîyîme’
Hemşaredara Şaraderîya Dêrsimî ya ke pê qeyum karê xo ra amebî durikewtene Birsen Orhana kî qiseykerd wina vat: “ Ma Cinîkê Dêrsimî, vengê pêro Cinîkanîme. Kamê ke vengê xo kenê berz, teyna nîyê. Kam ke ame kîştene, kam ke hetê camêrdan ra ame vîndîkerdiş, vengê înû keme berz. Ma bîme, estîme, peyser ne vîndenîme.”
‘Raya ma, raye Zarîfe û Sakîneyana’
Wekîla DEM Partî yê Dêrsimî Ayten Korduye zî mîtîng de qisey kerd û wina vat: “Raya ma, raya Zarîfe û raya Sakîneyana. Raya ma, raya Clara û Rosa ya. Ma Cinîkî, nayera tepîya her çî eve destê xo virazenîme. Rojhelato Mîyanên de Ceng est o, Emperyalîstî û Rejîmê Mollayan nêvazenîme. Pero cinîyan kişenê û kenê bindest. Ma welate xo de, kotî beno bivo, pîya gûrîyayîş û aştîye vazenîme. Rojhelato Mîyanênde, Kûrmancî, Elewî, Sûryanî û Erabî pîya weşîya xo ramnenê. Cinîke dîna hard û asmenî rê rindîye û aştîye ane.”
