Mele û Rayberê DEM Partîya Amedî Abdullah Arikan hêrişê ser Rojawanî dîyar kerd ke ê ke hêrişê kenê xizmetkarê Nemrûd û Fîrewûn ê, ganî şarê ma wa nînan reyde nêxapîyo
Hema zî hêrişê Dewleta Tirke Rojawanî ser domyenê. Demê hêrişî de zî rojnameger Nazim Daştan û Cîhan Bîlgîn ameyê qetilkerdiş.
Mele û Rayberê DEM Partîya Amedî Abdullah Arikan ser hêrişê Rojawan û qetilkerdişê rojnamegeran ajansê ma rê qise kerd.
Mele û Rayberê DEM Partîya Amedî Abdullah Arikan eşkera kerd ke seke şima zî zanê Rojawanî de pergalê Beşar Esadî orte ra wedarîya, cemeat û komê ke dînê Îslamê ser o karê kerdêne.
Rojnamegeran kenê hedef
Abdullah Arikan wina vat: “Heta nika bêserûber û bênîzam karê xo kerdêne. Heta nika binê sîwana Enqere rojnamegerî yenê qetilkerdene, însanê rewşenbîran qetil kenê. Seba ke Rojawan de herra Sûrîye ser o dinya raştîye temaşe nêkero û şarê ucayî bi waştiş û heqanê nêciwîyo, seba ke rojnamegerî nê heqîqetî vejenê meydan, ê wazenê ke rojnamegeran kenê hedef. Hewce yo ke her kes her oldar nînan şermezar biko.”
Ma peymanê dînê ma Hz. Muhammedî rê giredayê
Arikan dîyar kerd ke êyê ke piştîvanîyana zordestan kenê, êyê ke edeletî esas nêgenê, ê kom û cemeatî ke edeletî esas nêgênê, însanan kişenê, gedeyan kişenê sey El-Nusra, El-Qaîde IŞID ûsn nê edelet esas nêgênê însanan kişenê zerar danê daranê zeytûnan û xoza, eleqeyê înan dînê îslamî reyde çin o.
Arikan wina dewam kerd: “Şer zî wayîrê exlaqî yo, eke xoza, gede, roşnayî, awe bomberdûman bikê û dewan wêran bikê, şarê ke bi serran bindest ê, ti kiştişê înan esas bigîrê tu eleqeyê înan dînê îslamî rê çin o. Ê xîzmetkarê Nemrûd û Fîrewûn ê. Înan rê xîzmet kenê. Şarê ma wa nînan reyde nêxapîyo, dînê mazlûmî peymanê dînê ma peymanê Hz Muhammedî rê girêdaye yo. Eke qewmêk zordestîye reyde rî bi rî bimano ma hetê înan de manenê, goreyê îslamî çi yo ke ma bikê no yo. Dînê mazlûman nêyeno persayîş.”
